Mō Te Tikanga Rīanga Tika
E whakatenatena ana Te Tikanga Rīanga Tōkeke i te whanonga pai me te ngaiotanga i roto i te ahumahi rīanga. E whakaahua ana te tikanga i te āhua o tō hononga me tō kairī, tae atu ki ngā mea me whakamōhio atu koe, ā, me pēhea tā rātau urupare. Te tikanga:
-
he whakamārama he aha e kapi ana i Te Tikanga Rīanga Tōkeke, ā, e hāngai ana ki a wai
-
he whakaahua i ō kōrua haepapa ko tō kamupene rīanga
-
he whakamārama ka aha ina tuku kerēme koe, amuamu rānei.
I roto i tēnei tikanga:
-
ko te kupu "mātau" e kōrero ana mō te kamupene rīanga.
-
ko 'koe' me 'tō' e kōrero ana mō
te kaipupuri kaupapahere. Mēnā ka hoko rīanga koe mai i a mātau mā tētahi kaiwhakarite rīanga, kaitohutohu rānei, nō reira ko te kaiwhakarite, kaitohutohu rānei tō māngai mō te āhuatanga ki tēnei tikanga.
E kapi ana i tēnei tikanga ngā hua rīanga katoa, engari kaua te rīanga hauora me te rīanga tangata.
E hāngai ana tēnei tikanga ki ngā mema katoa o te Kaunihera Rīanga o Aotearoa ('ICNZ').1
E kapi ana i tēnei tikanga ngā kaipupuri kaupapahere ā-tangata, ā-hinonga rānei 19 ngā kaimahi, iti iho rānei.
E rēhitatia ana mātau i raro i te ture me tētahi kaupapa whakatau wenewene motuhake, ā-waho hoki.
Ka whakamōhiotia atu koe ko ēhea
te kaupapa e rēhitatia ana mātau me ngā tuku i ngā taipitopito whakapā ki a koe. Ka whiriwhiria e ngā kaupapa ngā amuamu mō mātau, tae atu ki ngā takahitanga o tēnei tikanga.
Ka ū mātau ki tēnei tikanga me te whakatutuki i ō mātau herenga i raro i ngā ture me ngā rekureihana e whakahaere ana i te ahumahi.
1–Engari, e hāngai anake te tikanga ki ngā taituarā o Lloyd's mō ngā whakahaere i tuku mā tētahi kaiinihua e noho ana i Aotearoa.