Pe faafefea ona e palota

1. O puipuiga saogalemu o le Koviti-19

O le aufaigaluega i falepalota o le a fa‘aaogaina punifofoga. Matou te fautua atu fo‘i ina ia fa‘aaoga punifofoga. O le a matou saunia punifofoga pe afai e te mana‘omia. O le a iai vailaau fufulu lima e fa‘aaoga, ma e afai e te finagalo iai, e mafai ona aumai lau oe lava peni e togi ai lau pepa palota

2. Taua‘ao mai lau pepa EasyVote

Aumai lau pepa EasyVote ina ia faavave ai le faiga o lau palota. E mafai lava ona e palota pe afai e galo pe leai foi sau pepa lena.

3. Mulimulita‘i i faatonuga

O le aufaigaluega i le nofoaga e te palota ai latou te faailoaina atu le mea e fai ma le vaega e te aga‘i iai. O le a latou tulimata‘iina le laina o tagata palota ina ia lava le avanoa.

4. Palota i le Faigāpalota laititi a Tauranga

E tasi lava lau palota, mo le sui tauva ua e finagalo e avea ma lou sui usufono i le Palemene.

E eseese ma le palota lautele o lea e faatino ai le lua o au palota - e tasi lau palota mo le pāti filifiliina ma le isi tasi mo lou sui tauvā.

5. Lau palota mo lou itumālo faapalota

O lau palota faaitumālo faapalota e mo le filifiliina o le sui tauvā e te finagalo e avea ma sui usufono o le Palemene o le nofoaga o loo e aumau ai. O le sui tauvā e tele ana palota mai le tou itumālo faapalota e avea ma sui usufono o le Palemene a lou itumalo.

Tuu se togi i luga o lau pepa palota mo le suafa o le sui tauvā ua e finagalo atoatoa i ai e sui tulaga mo lou pitonuu.

6. Tuuina atu lou pepa palota i totonu o pusa palota ua mae‘a ona saunia

Ma e pau lava lea- ua mae‘a lau palota!

O fea e maua ai nisi faamatalaga mo le lesitalaina ma le faatinoina o palota

• Asiasi i le nz
• Vala‘au le 0800 36 76 56
• Asiasi i le com/voteNZ

Afai e te silafia se tasi e fesoasoani i ai nei faamatalaga, faamolemole faailoa atu i ai.

O faamatalaga e uiga i le lesitalaina ma le faatinoina o palota o loo maua i isi gagana i le vote.nz

Ua le mafai ona e aga‘i atu i se nofoaga mo palota?

Pe afai e faigata ona e aga‘i atu i nofoaga mo palota pe le mafai fo‘i, o loo iai nisi avanoa ina ia mautinoa ai e mafai ona e palota. Afai o loo e aumau i se fale mo tagata matutua, o le a fesoota‘i atu le pulega o faigapalota i le pule o le fale ina ia faatulaga le auaunaga mo palota.

Afai e le mafai ona e susu atu i le falepalota ona o loo taofia oe i le falema‘i, mai le Aso Toona‘i 4 o Iuni, e mafai e se uo poo se tagata o lou aiga ona avatua au pepa palota.

Afai e le mafai ona e susu atu i le falepalota ona o loo a‘afia oe i le Koviti-19 poo le faanofoesea, poo a‘afia i ni ma‘i tumau pe le atoatoa le malosi, e mafai ona fesoasoani se tasi e faia lau palota. Sailiili atili i levote.nz pe vala‘au le 0800 36 76 56 e faatalanoa ni au filifiliga.​

Palota mai atunu‘u mamao

Afai e te palota mai atunuu mamao,e tatau ona e lesitala mai le vaeluaga o le po Aso Faraile 17 o Iuni. E mafai ona e lesitala pe faafou au faamatalaga i le vote.nz

E mafai ona e palota mai atunuu mamao mai le Aso Lulu 1 o Iuni aga‘i i le 7:00pm, Aso Toona‘i 18 o Iuni (taimi Niu Sila).

O le auala faigofie ma vave e palota mai ai i atunuu mamao o le download ma le print mai o au pepa palota ona tuu atu lea i luga i le vote.nz

E mafai foi ona e aga‘i e te palota i se nofoaga o faigapalota o lata ane, poo le talosaga foi mo sau pepa palota-meli e lafoina atu ia te oe. Afai e le

talafeagai mo oe nei vaega o filifiliga, faamolemole faafesoota‘i mai matou. O nei avanoa e faalagolago i le tulaga o loo iai le Koviti-19 i le nofoaga o e aumau ai.

Asiasi i le vote.nz Mo se faamatalaga latamai e uiga i palota i atunuu mamao. Afai e te mana‘omia se fesoasoani e palota mai ai i atunuu mamao, faamolemole faafesootai mai matou.

Imeli: overseas@vote.nz

Telefoni mai atunuu mamao: +64 9 909 4182 (e ono totogiina telefoni mai fafo)

Telefoni mai Niu Sila: 0800 36 76 56

Manaomia se fesoasoani i le faitauina poo le faailogaina o lau pepa palota?

E mafai ona fesoasoani atu se uo,se tagata o lou aiga poo se tagata faigaluega o le ofisa o palota i le faitauina poo le faailogaina o lou pepa palota. O lena tagata e mafai ona:

• lua aga‘i faatasi atu i tua o le laulau faipalota
• faitau leotele upu ma faamatalaga o i luga o pepa palota
• maka pepa palota mo oe pe a e finagalo ai latou te

E le mafai ona latou tauanauina oe i se sui e te palota ai i le palota laititi a Tauranga.

Afai e te tauaso, tau lemafai ona vaai pe iai foi ni ou mana‘oga faapitoa, o lona uiga e le mafai ona e makaina lau pepa palota e aunoa ma se fesoasoani, e mafai ona e palota e fa‘aaoga ai auaunaga o telefoni.

E tatau ona e lesitala ina ia fa‘aaogaina lenei auaunaga. Vala‘au le 0800 028 028 ma filifili le numera 1 e lesitala ai.

E mafai ona e lesitala mai le Aso Tofi 12 o Me se‘i oo i le 12pm o le Aso Toona‘i 18 o Iuni.

Asiasi i le vote.nz e saili ai nisi faamatalaga e uiga i lenei auaunaga.