Me pēhea te pōti
1. Ngā whakaritenga haumaru KOWHEORI-19
Ka mau ārai kanohi ngā kaimahi i ngā wāhi pōti. E whakahau ana mātau i a koe kia mau ārai kanohi anō. E wātea ana he ārai kanohi mēnā ka hiahia koe i tētahi. Kei reira tētahi wē patuero ringa hei whakamahi, ā, mēnā e hiahia ana koe, ka āhei koe ki te heri mai i tāu ake pene hei māka i ō pepa pōti.
2. Heria mai tō kāri EasyVote
Heria atu tō kāri EasyVote i te mea ka tere ake tō pōti. Ka taea tonu e koe te pōti ki te wareware i a koe tō kāri, kāore i a koe tētahi rānei
3. Me whaiwhai i ngā tohutohu
Ka tohutohutia koe e ngā kaimahi pōti me aha koe, me haere koe ki hea. Ka whakahaeretia anō e rātau ngā rārangi kia whānui ai te tū wehewehe.
4. Pōti i te pōtitanga motuhake o Tauranga
Kotahi anake tō pōti, mō te kaitono e hiahia ana koe hei mema Pāremata mō tō rohe.
He rerekē tēnei ki te pōtitanga whānui ina e rua kē ō pōti – kotahi mō te rōpū tōrangapū, kotahi hoki mō te mema o tō rohe.
5. Tō pōti rohe pōti
Ko tō pōti rohe pōti hei kōwhiri i te kaitono e hiahia ana koe kia uru hei mema Pāremata (MP) mō te rohe e noho ana koe. Ko te kaitono kei a ia te nuinga o ngā pōti i tō rohe pōti ka uru ko ia hei MP mō tō rohe pōti.
Ki tō pepa pōti, me tohu ki te taha o te ingoa o te kaitono e hiahia ana koe hei māngai mō tō rohe.
6. Kuhuna tō pepa pōti ki roto i ngā pouaka pōti
Koinā noa iho – kua pōti koe!
Ki hea tiki mōhiohio atu anō ai mō te rēhita me te pōti
- Haere ki nz
- Waea ki 0800 36 76 56
- Haere ki com/voteNZ
Mēnā e mōhio ana koe ki tētahi e whaitake ai ēnei kōrero ki a ia, me whakamōhio atu i a ia.
E wātea anō ngā mōhiohio mō te rēhita me te pōti i roto i ētahi atu reo i vote.nz
Kāore e tae atu ki tētahi wāhi pōti?
Mēnā he uaua te tae atu ki tētahi wāhi pōti, kāore e taea rānei, e wātea ana ngā kōwhiringa maha hei whakarite ka taea tonu e koe te pōti. Mēnā kei tētahi whare okioki koe, ka whakapā atu te Kaiwhakahaere Rohe Pōti ki te kaiwhakahaere o tō whare okioki ki te whakarite i ngā ratonga pōti.
Mēnā kāore koe e tae atu ki tētahi wāhi pōti nā mea kei rō hōhipera koe, mai i te Rāhoroi 4 o Hune, ka āhei tētahi hoa, tētahi o te whānau rānei ki te heri mai i ō pepa pōti.
Mēnā kāore koe e tae atu ki tētahi wāhi pōti i te mea kei te pāngia koe e te KOWHEORI-19, kei te noho taratahi rānei koe, kei te mate rānei koe, kāore e taea te tino nekeneke rānei, ka taea e koe te tiki āwhina ki te pōti. Rapu mōhio atu anō i vote.nz, waea rānei ki 0800 36 76 56 ki te kōrero mō ō kōwhiringa.
Te pōti i tāwāhi
Mēnā kei te pōti koe mai i tāwāhi, me mātua rēhita koe i mua o te Paraire 17 o Hune. Ka taea e koe te rēhita, te whakahou rānei i ngā taipitopito i vote.nz
Ka taea e koe te pōti mai i tāwāhi atu i te Wenerei 1 o Hune tae noa ki te 7.00pm o te Rāhoroi 18 o Hune (wā Aotearoa).
Ko te tikanga māmā rawa me te tere mō te pōti mai i tāwāhi me tikiake ka tā i ō pepa pōti ka tukuatu i vote.nz
Ka taea anō pea e koe te pōti ā-tinana i tō wāhi pōti tūtata i tāwāhi, me pātai atu rānei kia tukuna ngā pepa pōti ki a koe. Mēnā kāore he take o ēnei kōwhiringa ki a koe, me whakapā mai. Kei runga ēnei kōwhiringa i te āhuatanga o te KOWHEORI-19 i tō rohe.
Tirohia vote.nz mō ngā mōhiohio hou rawa mō te pōti mai i tāwāhi. Mēnā me whiwhi āwhina koe ki te pōti mai i tāwāhi, me whakapā mai.
Īmēra: overseas@vote.nz
Waea mai i tāwāhi: +64 9 909 4182 (ka pā pea ngā utu waea i tāwāhi)
Waea mai i Aotearoa: 0800 36 76 56
Kei te hiahia āwhina ki te pānui, te māka rānei i ō pepa pōti?
Mā tētahi hoa, tētahi o te whānau, he āpiha pōti rānei koe e āwhina ki te pānui, te māka rānei i tō pepa pōti. Ka āhei taua tangata ki te:
- whai i a koe ki muri o te pātū pōti
- pānui i ngā kupu me ngā mōhiohio ki te pepa pōti
- māka i te pepa pōti mōu mēnā ka tono
Kāore e taea e ia koe te tohutohu me pōti koe mō wai i te pōtitanga motuhake o Tauranga.
Mēnā kei te pura koe, kei te āhua pura koe, he hauātanga rānei tōu e kore e taea e koe te māka ō pepa pōti me te kore āwhina, ka taea e koe te pōti mā te ratonga takikōrero ā-waea.
Me rēhita koe ki te whakamahi i tēnei ratonga. Waea ki 0800 028 028 ka tīpako i te kōwhiringa 1 hei rēhita.
Ka taea e koe te rēhita mai i te Tāite 12 o Mei tae noa ki te 12pm te Rāhoroi 18 o Hune.
Haere ki vote.nz ki te rapu mōhio anō mō tēnei ratonga.