Insurance Council of New Zealand

Ka aha mēnā ka takahia e mātau tēnei tikanga

E whakamārama ana tēnei wāhanga ka aha mēnā ka takahia te Tikanga Rīanga Tōkeke.

30. Ina he mema mātau nō te ICNZ, e paihere ana mātau ki te whai i tēnei tikanga. I roto i tā mātau paihere ka:

  • whakaritea e mātau ngā tukanga ā-roto tōtika whakaū i te pai kia taea e mātau te aroturuki i tā mātau tautuku ki te tikanga

  • pūrongo i ngā takahitanga ka kitea e mātau ki ICNZ

  • tuku i ngā pūrongo tautuku tikanga ki ICNZ ina hiahiatia ana.

31. Ka taea e te kaupapa whakatau wenewene ā-waho te whiriwhiri i ngā takahitanga o tēnei tikanga ina uru ki roto i te tukanga whakatau wenewene ā-roto me te tuku i tētahi reta komutunga. E herea ana mātau ki te ū ki te whakatau o taua kaupapa. Mēnā ka whakatau tā mātau kaupapa kua tino takahia e mātau te tikanga, ka pūrongohia e mātau taua takahitanga ki ICNZ.

32. Mēnā ka pūrongohia he takahitanga nui ki ICNZ, ka whakatewhatewhahia e te Komiti Tautuku Tikanga motuhake, ā, māna e tuku tūtohutanga ki te Poari o te ICNZ mō tā rātau whakatau.

33. Ka taea mātau te wāu, te whiu, te pana rānei mai i te ICNZ e tōna Poari mō ngā takahitanga nui o tēnei tikanga. E pūrongo ana ngā kaupapa whakatau wenewene ā-waho i ngā takahitanga nui o tēnei tikanga ki ICNZ mō tēnei kaupapa.

34. Ko te takahitanga nui he takahitanga o tētahi wāhitanga o te tikanga, he maha rānei ngā takahitanga o te tikanga, ka tau mai te whakaaro kino ki te ahumahi rīanga, ā, kāore hoki he whakamāramatanga tika. Hei tauira, me pūrongo ēnei e whai ake ki ICNZ:

  • kāore anō kia whakatauhia he kerēme i muri i te 12 marama

  • te whakarite i tētahi kerēme, amuamu rānei e pā mai ai te uauatanga ki te kaipupuri kaupapahere

  • kāore mātau i te ū ki te whakatau mai i tētahi kaupapa whakatau wenewene ā-waho e whakaae ana ki tētahi amuamu ki a mātau.

35. Ko ngā moni whaina ka utua e mātau ka whakamahia e ICNZ hei tuku akoranga mō te rīanga.

Ka whakatairanga mātau me te tuari whānui i ngā tārua o te tikanga

36. Ka whakatairanga a ICNZ me ana mema i tēnei tikanga me te whakawātea mai i ngā tārua.

37. Ka whakamōhiohia atu koe ki hea tiki ai koe i tētahi tārua o tēnei tikanga:

  • ina hoko rīanga, whakahou rānei i tō rīanga me mātau

  • ina tuku kerēme koe

  • mēnā ka tukuna mai e koe he amuamu.

38. Ka whakaaturia e mātau te moko o te Tikanga Rīanga Tōkeke ki ā mātau paetukutuku me ngā kerēme me ngā tuhinga amuamu.

 

Insurance Council of New Zealand

Ko te ICNZ te māngai o ngā kairī whānui, ā, tata ki te 95 ōrau o te mākete rīanga whānui o Aotearoa e rīia e rātau, tae atu ki te haurua tiriona tāra te maha o ngā rawa me ngā taunahatanga o Aotearoa.
Ko te mahi a ICNZ he mahi mō ana mema me te iwi whānui o Aotearoa ki te hāpai i te pono me te whakamanawa ki te rīanga.
He raihana ō ngā mema ICNZ katoa i raro i te Insurance (Prudential Supervision) Act 2010, ā, ko ia tētahi i waitohu i te Tikanga Rīanga Tōkeke e here ana i ngā kairī kia tika te mahi. He mahi hira anō tā ICNZ ki te whakamōhio me te ako i ngā kiritaki mō ngā take me ngā mōrea rīanga hira.

Ki hea haere ai mēnā kei te hiahia āwhina atu anō koe

Mēnā he uaua tō mārama ki tō kaupapahere, i roto rānei i te tukanga kerēme, amuamu rānei, ka taea e ēnei whakahaere pea te āwhina i a koe:

Mō ētahi atu mōhiohio mō te Tikanga Rīanga Tōkeke me whakapā atu ki te:

Insurance Council of New Zealand

E wātea anō tēne tikanga i roto i:

  • Te Reo Ingarihi

  • Te Reo Rotarota o Aotearoa

  • ororongo.

Ka kitea ngā hōputu katoa o te tikanga i www.icnz.org.nz/fair-insurance-code

Additional Languages

Your Translation Preferences

Infowave enables you to select and order your preferred languages and formats. Infowave will offer you the highest available option for each item. Change these at any time via the 'menu' icon:

Your Active Translations:


Choose Translations:


About Infowave Home