Ka aha ina tuku amuamu koe
Ka āwhina tēnei wāhanga ki te whakamārama ka aha mātau, ā, he aha ō kōwhiringa mēnā ka tuku amuamu koe.
26. Mēnā ka tukuna mai e koe he amuamu, ko tā mātau ka:
-
whakamōhio atu kua tae atu i roto i te 5 rā mahi o te whiwhi i tō amuamu
-
tuku i te ingoa me ngā taipitopito whakapā o te tangata e whakahaere i tō amuamu
-
tukuna ki tā mātau tukanga whakatau wenewene ā-roto
-
whakarite mā tētahi tangata matatau, kāore i whakahaere i tō kēhi, e tino whakatewhatewha i tō amuamu mēnā ka tonoa e koe
-
urupare ki tō amuamu i roto i te 10 rā mahi o te rā o tā mātau whiwhi i ngā mōhiohio katoa e hiahiatia ana e mātau hei whakatau i tō amuamu. Mēnā he nui atu anō ngā mahi hei whai mā mātau, ka tono rānei mō ētahi atu mōhiohio, ka whakaae tāhi tātau mō tētahi wā e tika ana
-
whakamōhio haere i a koe i ia 20 rā mahi, i tētahi atu wā rānei e whakaae tahi ana tātau, kia tatū rā anō tō amuamu
-
whakamōhio atu ki a koe ka tōmuri pea ētahi amuamu i te mea me whiwhi mōhiohio mātau mai i ētahi atu, engari mēnā ka pā mai tēnei ka whakamōhiotia atu koe.
Ka noho tuwhera ō mātau whakaaro mō te whakatau amuamu mā te whakariterite, tāporetanga me te takawaenga
27. Ka ngana mātau ki te whakatau i tō amuamu mā tā mātau tukanga whakatau wenewene ā-roto i roto i te rua marama o tō tuku mai. Ki te kore e taea e mātau tēnei whakatutuki ki tāu i hiahia ai, ka:
-
whakamārama ā-tuhi mātau he aha ai
-
tuku i tētahi reta 'komutunga' ki a koe kia taea e koe tō amuamu ki te heri ki tētahi kaupapa whakatau wenewene
-
whakamōhio atu ki a koe ko tēhea te kaupapa i rēhita atu mātau me te tuku i ngā taipitopito whakapā ki a koe.
28. Ka whakamārama atu mātau ka taea e koe tō amuamu te tuku ki tā mātau kaupapa whakatau wenewene ā-waho i muri i te rua marama, mēnā kāore koe i te hiahia ki te whakatau i tō kerēme mā tā mātau tukanga whakatau wenewene ā-roto. Ehara i te mea me whai koe i tēnei.
29. Mēnā ki ōu whakaaro kua aukatia koe ka taea e koe te whakapā atu ki Te Kāhui Tika Tangata i 0800 496 877, mā tana paetukutuku rānei www.hrc.co.nz.
