Tā mātau e tūmanako ana i a koe ina tuku kerēme koe
-
Me pono koe ina tuku kerēme.
-
Me wawe tonu te whakapā mai ina mōhio koe kua ngaro, kua tūkinohia rānei tētahi mea i tukuna mai ai e koe he kerēme.
-
Me mahi tahi koe me mātau ki te tuku i ngā mōhiohio ka tonoa e mātau hei whakatau i tō kerēme.
Ka whai pānga tētahi parekura, aituā rānei ki te āhua o tā mātau mahi noa i ngā mahi
21. Kāore pea e taea e mātau te whai i ngā wā kua whakaritea e tēnei tikanga ina pā mai he parekura, he aituā rānei i te mea he tino nui pea ngā kerēme ka tae mai, ā, ka whakawhirinaki atu pea mātau ki ētahi atu.
22. Engari, ina pā mai he parekura, he aituā rānei, ka:
-
whakapau kaha mātau ki te whakatutuki i ō mātau here katoa i roto i
tēnei tikanga
-
wawe tonu te urupare mā tētahi āhuatanga ngaio, whaitake, ngākau aroha hoki
-
whakamōhio haere i a koe i ia 20 rā mahi, i tētahi atu wā rānei e whakaae tahi ana tātau, kia tatū rā anō tō kerēme
-
tohu me te urupare ki ngā kiritaki e noho whakaraerae ana e ai ki ō rātau āhuatanga takitahi3
-
mōhio hoki mātau he wā uaua tēnei mōu.
Ka taea e koe te tuku amuamu mēnā kāore koe i te rata ki ā mātau hua, ratonga rānei
23. Kei te ū mātau ki ngā taumata tiketike o te ratonga kiritaki. Mēnā kāore koe i te rata ki tētahi āhuatanga o tā mātau ratonga, me whakamōhio mai, ā, ka ngana mātau kia
whakatikahia.
24. Mēnā kāore e taea e mātau tētahi raruraru ratonga kiritaki te whakatika mōu, ka āhei koe ki te tuku amuamu.
25. Ko te amuamu he tohutohu ā-waha, ā-tuhi rānei kāore koe i te rata ki ā mātau hua, ratonga rānei, te tukanga whakarite amuamu ake rānei, ā, e tūmanako ana koe ka whakaritea tēnei.
3–Kei roto i tēnei ko ngā kōrero e pā ana ki ngā aratohu Tikanga Pai Rawa a Te Kāhui Tika Tangata mō te whakaraupapa haere i ngā kiritaki e noho whakaraerae ana.