Tā mātau tūmanako i a koe ina tono koe mō, te hoko rīanga rānei mai i a mātau
-
Me tuku mai e koe ngā mōhiohio nui katoa mōu, mō ētahi atu me ngā rawa katoa me ngā mōrea kua rīia i raro i tēnei kaupapahere. Ko te tikanga o te nui ka whai pānga ki ā mātau whakatau mēnā me tuku rīanga mātau, ā, me ngā ture. Me whānui aua mōhiohio, ā, me hou tonu. Me tuku mai e koe aua mōhiohio ina:
> tono koe mō te rīanga
> whakahou, whakarerekē rānei koe i tō kaupapahere
> rerekē ō āhuatanga i te wā kei raro tō rīanga i a mātau
> tuku kerēme koe. -
Me pānui e koe tō puka rīanga me ngā kupu o te rīanga ka whakamōhio mai mēnā me whakamārama e mātau he wāhi, me whakatika rānei.
-
Me kōrero mai mō ngā rerekētanga ki ō taipitopito whakapā.
Ngā mōhiohio me tuku mai pea e koe ki a mātau
Mēnā kāore koe i te mōhio he aha ngā mōhiohio nui, me pātai mai. Ki te tukuna ēnei mōhiohio ehara i te mea ka whakahētia tō tono, kerēme rānei. Ka āwhina i a mātau ki te arotake i ngā mōrea e rīia ana koe e mātau.
Kei roto ētahi tauira i ngā rārangi e whai ake o ngā mōhiohio nui mōu, tō hoa, me ētahi atu kei raro i tō kaupapahere rīanga me mōhio pea mātau.
Mō ngā tono rīanga katoa
-
ngā whiu taihara, engari e herea ana koe e te ture kia kaua e whakaaturia
-
ngā whakakāhoretanga a tētahi kamupene rīanga ki te rī i a koe
-
ngā kerēme o mau, me ngā kerēme i whakakāhoretia e tētahi kamupene rīanga
-
ngā pekerapu, kaihautanga, whakakorenga rānei o mua.
Mō te rīanga whare me ngā taonga
-
te tawhito, te nui me te wāhi o te whare
-
ngā aituā o mua, hītori rānei o ngā ngaronga – mēnā i rīia koe i mua i taua wā, kāore rānei – tae atu ki te whānako, weranga, tūkino nā te wai, rū, hau, waipuke me te horo
-
te rerekē o te whakamahi i tō whare (hei tauira, mēnā e whakamahia ana tō kāinga hei pakihi, mēnā kāore te whare i te nōhia mō ngā rā neke atu i te 60 piri tata)
-
mēnā e retihia ana tō whare
-
mēnā kei te whakariterite koe ki te whakahaere i ngā tapitapi nui, te whakahou rānei i tō whare
-
mēnā kei te reti koe i te whare o tētahi atu
-
mēnā he whiu taihara ō te hunga ka uru mai ki tō taha noho ai
-
ngā tūkinotanga o mua ki tō whare
-
mēnā ka whakaputua ō rawa.
Mō te rīanga waka
-
ka rerekē ngā kaitaraiwa, me te rerekē o te kaitaraiwa matua o tētahi waka kua rīia
-
tētahi rerekētanga ki te whakamahinga o te waka kua rīia (hei tauira, he waka motuhake kua whakamahia ināianei hei waka karere)
-
mēnā he matua koe e rī ana i te waka o tō tamaiti i raro i tōu ake ingoa
-
ngā takahitanga ikiiki o mua, tae atu ki te hohoro o te haere, he toatoa te taraiwa, he taraiwa haurangi, taraiwa kōhatu rānei
-
ngā whakarerekētanga kōkau (ahakoa hanganga, mahinga, rerehua rānei) ki tētahi waka kua rīia
-
ngā aituā o mua, he hītori o ō ngaronga, ahakoa i te whai rīanga koe, kāore rānei.
Mō te rīanga hāereere
-
ō mate, tohumate rānei onāianei e mōhio ana koe, kātahi anō rānei ka mōhio i mua tonu i te wā haere
-
ngā whenua e haere ana koe, tae atu ki ngā rerekētanga ki tō toronga
-
te whenua e noho ana koe
-
te roa o te wā e hiahia ana mō te rīanga
-
mēnā ko tō hāereere rīanga mōu ake, mō te pakihi, ngā mea e rua rānei
-
ngā mahi mōrea nui e mōhio ana koe kei te whai koe (hei tauira, te eke i tētahi mīhini papaneke, te ruku, te hūpeke hererapa, te reti hukarere rānei).
Mō te rīanga pakihi
-
te wāhi o te pakihi
-
ngā mahinga e whakahaerehia ana e te pakihi, tae atu ki ngā rerekētanga o ngā mahi i whakahaerehia e te pakihi.