O lau ta‘iala o faigāpalota i le palota laititi a Tauranga

Palota i le Faigāpalota laititi a Tauranga

O le palota i faigāpalota laititi a Tauranga e amatalia i le Aso Toona‘i, 4 o Iuni. O lou avanoa mulimuli e te palota ai o le aso o le palota, Aso Toona‘i 18 o Iuni.

Ia mautinoa ua e lesitala ma ua toe faafou au faamatalaga.

Ina ia palota, e tatau ona e lesitala. E te agavaa e lesitala lou suafa ma faatino lau palota, pe afai ua 18 tausaga o lou soifua pe sili atu, o oe o se sitiseni Niu Sila pe ua e nofomau, pe iai foi se taimi i lou soifua na e nofo ai lava i Niu Sila mo le umi e 12 masina pe sili atu. E na‘o le palota laititi a Tauranga e mafai ona e palota ai pe afai sa e lesitala i le palota lautele a Tauranga.

Lesitala i se taimi vave ina ia faafaigofie ma vave le faigāpalota

Afai sa e lesitala i le Aso Lulu 11 o Me, e maua lau tusi palota o le EasyVote i lau meli i le 2 vaiaso i luma ae le‘i oo i le aso faatonuina mo le palota.

O au pepa EasyVote e faailoa atu ai le aso e mafai ona e palota ai ma le sui tauva e mafai ona e palota ai. O au pepa palota e aofia ai ma lau card palota o le EasyVote, e faigofie ma vave ona faatino ai lau palota. E mafai lava ona e palota e aunoa ma lau pepa EasyVote, ae fai si umi e faatino ai.

E mafai lava ona e lesitala pe a te‘a le Aso Lulu 11 o Me, e aofia ai le aso o le faigāpalota, ae e le avatua ai sau pepa EasyVote. E tatau foi iā te oe ona fai sau palota faapitoa ma o le a umi se taimii.

Lesitala, siaki pe faafou au faamatalaga i luga o le initaneti

E faigofie ona lesitala, siaki pe faafou ni suiga o au faamatalaga. Alu i luga o le initaneti i levote.nze siaki poo ua e lesitala. E mafai ona e lesitala pe faafou au faamatalaga i le vote.nz e fa‘aaoga ai lou laisene avetaavale Niu Sila, tusi folau Niu Sila poo le pepa faamaonia o le RealMe, pe vala‘au le 0800 36 76 56 e fesili mo se pepa lesitala ina ia lafoina atu iā te oe.

Ia e palota vave

O le a faia le faigāpalota laititi i le Aso Toona‘i 18 o Iuni. Vave palota ina ia faaitiitia ai le umi o le laina - e le tatau ona e faatali i le aso o le faigāpalota.

E tatala le palota i le: Aso Toona‘i 4 o Iuni

E tapunia palota i le:  7.00pm i le aso o le palota, Aso Toona‘i 18 o Iuni

Itūmālo faapalota o Tauranga

O le Itūmālo faapalotao o Tauranga e aofia uma ai le a‘ai o Tauranga ma isi nofoaga faataamilo, e tuaoi i le itu sisifo i tafatafa o le Wairoa River ma le Waiorohi Stream i sasa‘e. E aofia ai le Mauga o Maunganui ma le malae vaalele o Tauranga.

Palota i le faigāpalota laititi a Tauranga

E mafai ona e palota mai le Aso Toona‘i 4 o Iuni i le Aso Faraile 17 o Iuni i soo se nofoaga mo palota vave fai. E mafai foi ona e lesitala, siaki pe faafou au faamatalaga i le taimi lava lea.

E eseese aso ma taimi e tatalaina ai nofoaga mo palota e vave faia. Siaki muamua ae e te le‘i aga‘i e fai lau palota i le vote.nz.

I le aso o faigāpalota, Aso Toona‘i 18 o Iuni, o nofoaga uma e faatino ai palota o le a tatalaina mai le 9am e oo atu i le 7pm. E mafai ona e lesitala i le aso o le faigāpalota, ae mana‘omia fo‘i le faia o lau palota faapitoa ma e umi ai se taimi.

Faamatalaga e faatatau i le nofoaga ma le taimi e palota ai, ma le sui o le a e palota ai, o le a faailoa mai i le 4pm Aso Lua 17 o Me i le vote.nz pe vala‘au le 0800 36 76 56. O le a tuuina atu fo‘i faatasi ma au pepa mo le EasyVote.

Information about where and when to vote, and who you can vote for, will be available from 4pm Wednesday 17 May at vote.nz or by calling 0800 36 76 56. It will also be included in your EasyVote pack.