He kupu aarahi moo te pooti i te pootitanga paaerotanga o Te Puuaha o Waikato
Pooti i te pootitanga paaerotanga moo Te Puuaha o Waikato
He arawaatea teenei pootitanga paaerotanga maau hei pooti moo te tangata ka tuu hei maangai moo koutou ko too rohe pooti ki te Whare Paaremata.
Ka tiimata te pooti i te pootitanga paaerotanga o Te Puuaha o Waikato hei te Mane te 13 o Noema.
Ko te waa whakamutunga ki a koe hei pooti ko te raa pooti, araa, ko te Hatarei te 25 o Noema.
Me maatua reehita koe, aa, me tika hoki oo taipitopito.
E pooti ai koe, me reehita koe. Me reehita koe ki te pooti; meenaa e 18 tau, neke atu, too pakeke; meenaa koe he kirirarau o Aotearoa, he kainoho puumau raanei; meenaa kua 12 marama, neke atu, te roa o too noho motukore nei ki Aotearoa i teetehi waa.
Ka taea noatia e koe te pooti i te pootitanga paaerotanga o Te Puuaha o Waikato meenaa koe kua reehita ki te rohe pooti whaanui o Te Puuaha o Waikato.
Meenaa koe e noho ana ki te takiwaa, aa, kua reehita kee koe ki te rohe pooti Maaori moo Hauraki-Waikato, kaaore e whakaaetia ana too whakawhiti raarangi pooti i te pootitanga paaerotanga o Te Puuaha o Waikato.
Too kete Pooti Tere
Meenaa koe i reehita i te Mane te 16 o Oketopa, ka whiwhi koe i teetehi kete Pooti Tere maa te poutaapeta.
Kei too kete Pooti Tere ngaa koorero moo te waahi me ngaa kaitono e pooti ai koe. Kei too kete hoki too kaari Pooti Tere matawhaiaro, e tere ake ai, e ngaawari ake ai te pooti. Ka taea e koe te pooti meenaa karekau ana oo kaari Pooti Tere, engari ka roa ake pea.
Meenaa koe ka reehita i muri i te Mane te 16 o Oketopa, i te raa pooti anoo hoki, e kore e tae atu teetehi kaari Pooti Tere ki a koe. Me pooti motuhake too pooti.
Toro tuihono atu kia reehita, kia titiro, kia whakahou raanei i oo taipitopito
He ngaawari te reehita, te titiro, te whakahou raanei i oo taipitopito. Toro tuihono atu ki vote.nz kia titiro meenaa koe kua reehita atu. Ka waatea koe ki te reehita, ki te whakahou raanei i oo taipitopito i vote.nz maa too raihana hautuu waka o Aotearoa, maa too puka uruwhenua o Aotearoa, maa too tuakiri whaimana o RealMe raanei. Ka mutu, waea atu
ki 0800 36 76 56 me te tono atu kia tukuna teetehi puka reehita ki a koe.
Pooti i te pootitanga paaerotanga o Te Puuaha o Waikato
Pooti i te pootitanga paaerotanga o Te Puuaha o Waikato. Ehake i te mea me tatari ki te raa pooti e pooti ai koe.
Ka aahei koe ki te pooti i ngaa whare pooti katoa hei te Mane te 13 o Noema tae noa ki te Paraire te 24 o Noema.
Ka rerekee ngaa waa me ngaa waahi e tuwhera ai ngaa whare pooti. Tirohia i mua i too puta ki te pooti i vote.nz.
Hei te raa pooti, Hatarei te 25 o Noema, ka tuwhera katoa ngaa whare pooti i te 9am ki te 7pm. Ka taea e koe te reehita ki te pooti i ngaa whare pooti katoa, i te raa pooti anoo hoki. Me pooti motuhake too pooti, ka roa tonu hoki.
Te rohe pooti o Te Puuaha o Waikato
Ko te rohe pooti o Te Puuaha o Waikato ka ahu atu i te pito tonga o te whanga o Manukau, tae atu ki ngaa takiwaa peenei i Clarks Beach, i Waiuku, i Pukekohe, i Pookeno, ka mutu, i Te Kauwhata.
Me peewhea e pooti
Haria mai too kaari Pooti Tere, too puka pooti raanei
Haria mai too kaari Pooti Tere, too puka pooti raanei, e tere ake ai te pooti. Ka taea tonutia e koe te pooti meenaa koe ka wareware ki too puka, kaaore raanei i a koe.
2 Whaaia ngaa tohutohu
Ka whakaaturia e ngaa kaimahi o too whare pooti me aha raa koe, ki whea hoki koe haere ai.
3 Pooti i te pootitanga paaerotanga o Te Puuaha o Waikato
Kotahi anake too pooti, araa, he pooti moo te kaitono e hiahiatia ana kia tuu hei mema paaremata moo te rohe pooti nei.
Meenaa koe i pooti i te pootitanga aa-motu, i tatauria too pooti aa-roopuu i te tapeke pooti o te pootitanga aa-motu.
4 Too pooti aa-kaitono
Ko too pooti aa-kaitono maau hei koowhiri i te kaitono e hiahiatia ana e koe kia tuu hei mema Paaremata (MP) moo te rohe pooti e noho nei koe. Ko te kaitono ki a ia te tapeke nui katoa o ngaa pooti, ko ia hei mema paaremata aa-rohe pooti.
I too pepa pooti, tuhia he tohu ki te ingoa o te kaitono e hiahiatia ana e koe hei maangai moo too rohe pooti.
5 Raua atu too pepa pooti ki 5 roto i te pouaka pooti
Koia – kua pooti koe!
Ki whea kimi ai i eetehi atu paarongo moo te reehita me te pooti
• Toro atu ki vote.nz
• Waea atu ki 0800 36 76 56
• Toro atu ki facebook.com/voteNZ
Meenaa koe e moohio ana ki teetehi tangata ka pai pea ki a ia eenei paarongo, teenaa koa, whaakina atu.
Ko ngaa paarongo moo te reehita me te pooti e waatea ana i eetehi atu reo i vote.nz
Kaaore e taea ana te tae atu ki teetehi whare pooti?
Meenaa he uaua, kaaore e taea ana raanei, te tae
atu ki teetehi whare pooti, e waatea ana eenei whiringa ki a koe e pooti tonu ai koe. Meenaa koe kei teetehi papakaainga tautiaki, ka whakapaa atu te Kaiwhakahaere Rohe Pooti ki te kaiwhakahaere o too whare ki te whakariterite i ngaa ratonga pooti.
Meenaa kaaore e taea ana e koe te tae atu ki teetehi whare pooti naa te mea kei te hoohipera koe, hei te Mane te 13 o Noema, maa teetehi hoa, maa too whanau raanei oo pepa pooti e hari ki a koe.
Meenaa kaaore e taea ana e koe te tae atu ki teetehi whare pooti, naa runga i te maauiui, naa runga i te kaumaatua rawa, naa runga raanei i te hauaa, ka aawhinatia koe ki te pooti. Ko te roanga atu kei vote.nz, kia waea atu raanei ki 0800 36 76 56 me te koorero moo oo koowhiringa.
Pooti i taawaahi
Meenaa koe e pooti ana i taawahi, me reehita koe i mua i te weherua poo o te Paraire te 24 o Noema. Ka aahei koe ki te reehita, ki te whakahou i oo taipitopito i vote.nz
Ka aahei koe ki te pooti i taawaahi hei te Wenerei te 8 o Noema tae noa ki te 7pm, Hatarei 25 o Noema (te waa e ai ki a Aotearoa).
Ko te ara ngaawari me te ara tere e pooti ai koe i taawaahi, ko te tikiake me te whakaoti i oo pepa pooti, ka tukuatu ai ki vote.nz
Ka aahei hoki koe ki te pooti aa-tinana i ngaa whare pooti i Raanana, i Hirini, ka tono atu raanei kia tukuna oo pepa pooti ki a koe maa te poutaapeta. Meenaa kaaore e tika ana eenei whiringa maau, teenaa, whakapaa mai.
Tirohia a vote.nz moo ngaa paarongo hou moo te pooti i taawaahi. Meenaa e hia aawhina ana koe kia pooti i taawahi, teena, whakapaa mai.
Pae iimeera: overseas@vote.nz
Waea i taawaahi: +64 9 909 4182
(he reeti aa-waea pea hei utu maau)
Waea i Aotearoa: 0800 36 76 56
E hia aawhina ana ki te paanui, ki te tohu raanei i oo pepa pooti?
Maa teetehi hoa, maa teetehi tangata o too whanau, maa teetehi kaimahi pooti raanei too pepa pooti e paanui, e tohu maau. Ka aahei taua tangata kia:
•tuutahikiakoeituaoteaaraipooti
• paanui i ngaa kupu me ngaa paarongo kei too pepa pooti
• tohu i te pepa pooti maau, meenaa ka tonoa e koe kia peeraa ia
Kaaore e whakaaetia ana kia tohutohu raatou i a koe ko wai taau me pooti.
Meenaa koe e kaapoo ana, e mate atarua ana, e hauaa ana raanei too tinana, aa, kaaore nei e taea ana e koe too pepa pooti te tohu, ka aahei koe ki te pooti maa te ratonga tuku koorero aa-waha ki te waea.
Me reehita rawa koe e whakamahi ai i teenei ratonga. Waea atu ki 0800 028 028 me te koowhiri i te whiringa 1 kia reehita atu.
Ka aahei koe ki te reehita hei te Tuurei te 17 o Oketopa. Ka tiimata te pooti moo te tuku koorero aa-waha ki te waea hei te Wenerei te 8 o Noema.
Toro atu ki vote.nz moo te roanga atu o teenei ratonga.