Ka aha ina tuku kerēme koe
Ka āwhina tēnei wāhanga ki te whakamārama ka aha mātau me tā mātau e tūmanako ana i a koe ina tuku kerēme koe.
Ka wawe, tika, pūrangiaho hoki tā mātau whakahaere i ō kerēme
16. Ina tuku kerēme koe, ko tā mātau ka:
-
whakamārama atu me pēhea te tuku i tō kerēme
-
whakamārama he aha ake ngā mōhiohio me tuku mai e koe hei tukatuka i ō kerēme
-
whakamārama i ngā upane ka whāia e mātau ina whakaritea tō kerēme
-
whakamōhio atu ko ngā mōhiohio ka tukuna mai e koe me pono, whānui, tino hou me te hāngai
-
whakamōhio haere i a koe mō te anga whakamua o tō kerēme
-
whakatau kia wawe, kia tika ngā kerēme whaimana
-
āta whakamārama i pēhea tā mātau whakarite i te whakatau
-
āta whakamārama kia koi me te tōtika i ngā pūtake, mēnā ka whakakāhoretia te katoa o tō kerēme, he wāhanga rānei.
17. Ina tuku kerēme koe, ko tā mātau ka:
-
whakamōhio atu kua tae atu i roto i te 5 rā mahi o te whiwhi i tō kerēme
-
whakatau mēnā ka whakaaetia tō kerēme, kāore rānei i roto i te 10 rā mahi o te rā o tā mātau whiwhi i ngā mōhiohio katoa e hiahiatia ana e mātau hei whakatau i tō kerēme.
18. Kāore pea e taea e mātau te whakatau i ngā wā katoa mēnā me whakaae tō kerēme, kāore rānei i roto i te 10 rā mahi. He kerēme uaua pea tāu e roa ai tā mātau tātari, kei runga rānei i te tiki mōhiohio mai i ētahi atu. Mēnā kāore e taea e mātau ēnei wā te whakatutuki ahakoa pēhea, ka:
-
whakamārama atu mātau he aha ai
-
whakamōhio atu ki a koe e hia pea te roa mō mātau ki te tuku whakatau mō tō kerēme
-
whakamōhio haere i a koe i ia 20 rā mahi, i tētahi atu wā rānei e whakaae tahi ana tātau, kia tatū rā anō tō kerēme.
19. Ka tono atu me te whai whakaaro ki ngā mōhiohio hāngai anake me ngā mōhiohio nui ina whakatewhatewha ana me te tuku whakatau mō tō kerēme.
20. Ka matatapu tā mātau whakarite i ō mōhiohio, otirā ina whakaae koe kia tukuna e mātau ēnei ki ētahi atu, pērā i ngā kaitohutohu, ngā āteha, kaiwhakatika, kaiwhakarato hoki.